Միացյալ Նահանգների նախագահ Դոնալդ Թրամփն ուրբաթ հայտարարել է երկրում դեղամիջոցների գների նվազմանն ուղղված արշավ սկսելու մասին, գրում է nytimes.com-ը։ Նա համապատասխան հայտարարություն է արել Սպիտակ տան Վարդագույն այգում։ «Ես հանձնարարական եմ տվել առողջապահության նախարար Ալեքս Ազարին՝ բարեփոխումներ սկսել, որոնք կհանգեցնեն նրան, որ դեղերի բարձր գները խելքին մոտ կդառնան»,- ասել է նա։

Իր ելույթում Թրամփը նաև քննադատության է ենթարկել բժշկության ոլորտը՝ այն բանի համար, որ այն բոլորից շատ է ծախսում իր շահերի լոբբինգի համար։«Բոլորը, ովքեր ներգրավված են այս կոտրված համակարգում՝ դեղարտադրողները, ապահովագրական ընկերությունները և այլն՝ նրանք բոլորը նպաստում են այս խնդրին»,- ասել է նա։

Նյութի աղբյուրը՝ nytimes.com