+374 94 000 446

Տնտեսվարողները ստուգումներից առաջ չեն նախազգուշացվի

Դիտվել է` 208

14.06.2019
post single img

ՀՀ կառավարությունը հաստատել է «Ստուգումների կազմակերպման և անցկացման մասին» ՀՀ օրենքում փոփոխություններ անելու մասին նախագիծը:

Դրանով վերացվում է ստուգումներից առաջ ՀՀ վարչապետի աշխատակազմի տեսչական մարմինների աշխատանքների համակարգման գրասենյակի և Շուկայի վերահսկողության տեսչական մարմնի կողմից տնտեսվարող սուբյեկտին նախապես տեղեկացնելու մասին պահանջը:

Գործող կարգավորմամբ տեսչական մարմինը պարտավոր է ստուգումներից առնվազն 3 աշխատանքային օր առաջ տնտեսվարող սուբյեկտին տեղեկացնել այդ մասին:

Հիմնավորման մեջ նշվում է, որ նորմը չափագիտական վերահսկողություն իրականացնելիս հնարավորություն է ընձեռնում, որ տնտեսվարող սուբյեկտները, նախապես տեղեկանալով ստուգման մասին սահմանված նորմերին չափագիտական վերահսկողության ենթակա օբյեկտները թերությունները վերացնում են և պահանջվող նորմերին համապատասխանեցնում են միայն տվյալ օրը:

Նախագիծը ներկայացնող՝ վարչապետի աշխատակազմի ղեկավար Էդուարդ Աղաջանյանը նշել է, որ կարգավորումն ուղղված է բենզա և գազալցակայաններում խախտումները վերացնելուն:

Նախագծի ընդունման արդյունքում ակնկալվում է տեսչական մարմնի կողմից չափագիտության ոլորտում իրականացվող վերահսկողության արդյունավետության բարձրացում:

 

Նյութի աղբյուրը՝ Panarmenia.net

Ծառայություններ

Վերջին դիտումները