+374 94 000 446

Տնտեսական զարգացման և ներդրումների նախարարությունը 2018 թ. արդյունքներով ակնկալում է տնտեսական ակտիվության 5,2-5,3% աճ

Դիտվել է` 527

18.01.2019
post single img

Տնտեսական ակտիվության աճի 2018 թ. ամփոփիչ ցուցանիշը կկազմի 5,2-5,3%: Այդ մասին հունվարի 17-ին կառավարության նիստից հետո հայտարարել է տնտեսական զարգացման և ներդրումների նախարարի պաշտոնակատար Տիգրան Խաչատրյանը՝ պատասխանելով ԱրմԻնֆո-ի հարցին:

Խաչատրյանի խոսքով, 2018 թ. արդյունաբերության ոլորտում աճի տեսակետից գերակշռել է վերամշակող արդյունաբերության ազդեցությունը: Ընդհանուր առմամբ, ինչպես նշել է նախարարի պաշտոնակատարը, մոտավորապես նույնքան կկազմի ՀՆԱ աճը 2018 թ. հունվար-դեկտեմբերին:

Նշենք, որ ՀՀ 2018 թ. պետբյուջեում ամրագրված է ՀՆԱ 4,5% աճ, իսկ 2019 թ. պետբյուջեում՝ 4,9%: ՀՀ վիճակագրական կոմիտեի տվյալներով՝ 2018 թվականի հունվար-նոյեմբեր ամիսներին տնտեսական ակտիվության աճը Հայաստանում դանդաղել է մինչև 5.7%՝ 2017 թ. 11 ամիսների 7.3%-ի համեմատ: Աճի դրայվերն են հանդիսացել`ծառայությունների ոլորտը և առևտրի ոլորտը, ինչպես նաև շինարարության, արդյունաբերության և էներգետիկայի ոլորտները, մինչդեռ գյուղատնտեսության ոլորտում գրանցվել է անկում:

2018 թ. դեկտեմբերի 21-ը, պատասխանելով ԱրմԻնֆո-ի հարցին, ՀՀ ֆինանսների նախարարի շատոնակատար Ատոմ Ջանջուղազյանը հայտարարել էր, որ 2018 թվականին Հայաստանի տնտեսության աճը կկազմի մոտ 5 տոկոս: Տիգրան Խաչատրյանն իր հերթին նոյեմբերի 23-ին մամուլի ասուլիսում կանխատեսել էր ՀՆԱ 5-6% աճ:

 

Նյութի աղբյուրը՝ Arminfo

Ծառայություններ

Վերջին դիտումները