Վարչապետ Նիկոլ Փաշինյանը ֆեյսբուքյան ուղիղ եթերի ընթացքում ներկայացրել է սահմանապահ համայնքներում աշնանացանի սուբսիդավորման նոր ծրագրի մանրամասները: Նրա ասելով, սուբսիդավորման ենթակա է ցորենի, գարու և կերային մշակաբույսերի աշնանացանը:

Փաշինյանի ասելով, սուբսիդավորումը կիրականացվի 1-7 հա մակերեսով հողամասի առկայության դեպքում` յուրաքանչյուր 1 հա ցանքի դիմաց 60 000 դրամի չափով:

Ինչպես ընդգծել է կառավարության ղեկավարը, միջոցառումները նպատակաուղղված են ոչ միայն հանրապետության քաղաքներում, այլև գյուղերում աշխատանքի խթանմանը: