G20 - ը հաջողությամբ աշխատում է համաշխարհային տնտեսությանը վերաբերող  կարևոր հարցերի և զարգացման ճիշտ որոշումներ կայացնելու շուրջ,- ասել է Գերմանիայի կանցլեր Անգելա Մերկելը

«Այս ֆորմատի ստեղծումից ի վեր մենք ցույց տվեցինք, որ միասին կարող ենք ավելի լավ լուծել համաշխարհային տնտեսության և զարգացման խնդիրները», - ասել է կանցլերը վիդեոհաղորդագրության մեջ, որը շաբաթ օրը տեղադրվել է երկրի կառավարության կայքէջում:

«Գերմանիան շահել է միջազգային առևտրից», - ավելացրել է Մերկելը, ով հաջորդ շաբաթ Բուենոս Այրեսում կմասնակցի G20 գագաթնաժողովին:

Համաշխարհային առաջնորդների մասնակցությամբ Բուենոս Այրեսում կայանալիք G20 գագաթնաժողովը նախատեսված է նոյեմբերի 30-ին և դեկտեմբերի 1-ին: