+374 94 000 446

Մարզերում հանրային սննդի օբյեկտներին առնչվող օրինագծին հավանություն տրվեց ԱԺ հանձնաժողովի կողմից

Դիտվել է` 134

28.11.2019
post single img

ՀՀ ազգային ժողովի տնտեսական հարցերի մշտական հանձնաժողովը երկրորդ ընթերցմամբ հավանություն տվեց այն օրենքի նախագծին, որով առաջարկվում է միկրոձեռնարկատիրության սուբյեկտ համարել նաև մարզերում հանրային սննդի ոլորտում շրջանառության 24 մլն դրամի շեմը չգերազանցող օբյեկտները և ընձեռել նախատեսվող հարկային արտոնությունից օգտվելու հնարավորություն:

«Հարկային օրենսգրքով սահմանվում են միկրոձեռնարկատիրության սուբյեկտները, նաև բացառությունները: Առաջին ընթերցմամբ մենք մի քանի բացառությունների վերացում էինք առաջարկել, սակայն հանձնաժողովը հաստատեց դրանցից միայն մեկը, այն է՝ Երևան վարչական սահմանից դուրս հանրային սննդի օբյեկտները նույնպես դիտարկել որպես միկրոձեռնարկատիրություն, և մինչև 24 մլն դրամ շրջանառություն ունենալու պարագայում ազատել տարբեր տեսակի հարկերից»,- ասաց Թանդիլյանը:

Ֆինանսների փոխնախարար Արման Պողոսյանը վերահաստատեց կառավարության դիրքորոշումը և նշեց, որ իրենք առարկություններ չունեն՝ կապված նախագծի կարգավորման առարկայի հետ: 

Թանդիլյանի և կառավարության ներկայացուցչի հետ քննարկման արդյունքում որոշվեց, որ նախագիծն ընդունվելու դեպքում ուժի մեջ կմտնի 2020-ի հունվարի 1-ից։

Օրենքի նախագիծը քվեարկությամբ արժանացավ հանձնաժողովի դրական եզրակացության, այն երկրորդ ընթերցմամբ կքննարկվի ԱԺ լիագումար նիստում:

Ծառայություններ

Վերջին դիտումները