+374 94 000 446

Կաթի մակնշման փոփոխությունները քննարկվեցին կաթնամթերք արտադրող ընկերությունների ներկայացուցիչների հետ

Դիտվել է` 1048

30.07.2018
post single img

Սննդամթերքի անվտանգության տեսչական մարմնի ղեկավար Գեորգի Ավետիսյանի և կաթնամթերք արտադրող ընկերությունների ներկայացուցիչների հանդիպման ժամանակ քննարկեցին կաթի մակնշման փոփոխությունները, որոնք նախատեսված են Մաքսային միության տեխնիկական կանոնակարգերով:

Սննդամթերքի անվտանգության տեսչական մարմնի ղեկավար Գեորգի Ավետիսյանը նշեց, որ մանրէաբանական աղտոտվածության կամ մնացորդային նյութերի մասով անվտանգությանը հետևելուց բացի՝ առանձնահատուկ ուշադրություն են դարձնելու այն հանգամանքին, թե արդյոք կաթնամթերքի մեջ մակնշված բոլոր բաղադրիչները համապատասխանո՞ւմ են արտադրանքի բաղադրությանը:

«Մենք որդեգրել ենք մի կարևոր սկզբունք՝ կանգնած լինել բիզնեսի կողքին, բայց, միևնույն ժամանակ, թույլ չտալ, որ մեր հասարակությունը թունավորվի բիզնեսի քմահաճույքների պատճառով: Հուլիսի 16-ից, ԵԱՏՄ կանոնակարգերի համաձայն, մենք ունենք մակնշման փոփոխություններ: Կանոնակարգում փոխվել է տառաչափը, տառատեսակը, պարտադիր է դարձել բուսական յուղի մեծ մակնշումը»,- ասաց Ավետիսյանը:

Կաթ արտադրողներն իրենց արտադրանքի փաթեթավորումները պատվիրում են նախապես, մեծ քանակությամբ և այլ երկրներից: Քննարկման ժամանակ նրանք հնարավորություն ունեցան իրենց առաջարկները ներկայացնելու, որպեսզի հնարավորինս չվտանգվեն նաև իրենց բիզնես-շահերը:

«Կաթից պատրաստված այն արտադրանքը, որտեղ կաթնայուղը փոխարինվելու է բուսական յուղով, արդեն կոչվելու է՝ «կաթ պարունակվող մթերք՝ կաթնայուղի փոխարինիչով»: Եթե մենք նախկինում, համաձայն մեր օրենսդրության, դրա անունը դնում էինք թթվասերային մթերք, ապա ներկայումս նման հասկացություն չի լինելու: Արգելվելու է նաև մոլորության մեջ գցող անվանումների օգտագործումը, օրինակ՝ «թթվասերիկ» կամ նման մեկ այլ անվանում: Կանոնակարգը հնարավորինս բացառում է սպառողին մոլորության մեջ գցելու ցանկացած տարբերակ»,- ասաց Սննդի անվտանգության որակի տեսչության պետ Վահե Դանիելյանը:

Ծառայություններ

Վերջին դիտումները