+374 94 000 446

Կարճաժամկետ հեռանկարում պետք է սպասել Հայաստանի տնտեսության աճի հետագա դանդաղում

Դիտվել է` 157

13.11.2018
post single img

Մինչև 2018 թվականի վերջը Հայաստանի ՀՆԱ-ի աճի տեմպերը հավանաբար կմնան ավելի ցածր, քան տարվա առաջին կիսամյակում: Այս մասին ասվում է ԵԱԶԲ ամենամսյա «Մակրովերլուծություն» հոկտեմբերյան զեկույցում: Այնուամենայնիվ, 2018 թվականի արդյունքներով, ըստ ԵԱԶԲ կանխատեսման, Հայաստանի տնտեսության աճը կպահպանվի բավականին բարձր մակարդակի վրա և 2017 թ. համեմատ կկազմի 5.9%:

Բանկի վերլուծաբանների կարծիքով, ՀՆԱ-ի աճի դանդաղման հիմնական պատճառը գյուղատնտեսական արտադրության անկումն է, որը պայմանավորված է եղանակային անբարենպաստ պայմաններով: Տնտեսության աճի վրա մեղմող ազդեցություն է թողնում նաև հանքարդյունահանման ծավալների կրճատումը, կապված բնապահպանական չափանիշներին համապատասխանելու պահանջների հետ: Ցածր եկամտաբերության և հանքաքարի արդյունահանման ծավալների նվազման ազդեցությունը տնտեսական ակտիվության վրա մասամբ փոխհատուցվում է առևտրի արագ աճով, իսկ ավելի քիչ` ներդրումների աճով:

Արդյունաբերական արտադրանքը շարունակում է դրական ներդրում ունենալ ՀՆԱ աճի վրա: Բարձր ցուցանիշներ է դեռևս ցուցադրում սննդամթերքի արտադրությունը (օգոստոսին`18.1%): Միևնույն ժամանակ արդյունաբերության մեջ զսպող գործոն է մետաղագործության արտադրության անկումը, որտեղ սեպտեմբերին ծավալների տարեկան անկումը կազմել է 8.3%:

ԵՏՀ-ի կողմից հաշվարկված կոմպոզիտային առաջատար ցուցանիշը ցույց է տալիս կարճաժամկետ կտրվածքով Հայաստանի տնտեսության աճի հետագա դանդաղումը: Դանդաղման գործոնների շարքում նշվում է, որ ֆիզիկական անձանց դրամական փոխանցումների ծավալը 2017-ի համեմատ նվազել է, ինչպես նաև մետաղագործության արտադրության դինամիկան: Առաջիկա ամիսներին մետալուրգիական ոլորտում դեռ կարող է ապահովվել բացասական տարեկան աճ, արդյունաբերության ոլորտում ավելի զուսպ արդյունաբերական գործունեության պատճառով, նախորդ տարվա նույն ժամանակահատվածի համեմատ: 2019 թվականին տնտեսական աճը կխթանի գյուղատնտեսության աճի վերսկսումը, ինչպես նաև հանքարդյունաբերության ոլորտի ներդրումների վերականգնումը: Իսկ ոչ պարենային ապրանքների և ծառայությունների գների աճը սեպտեմբերին շարունակել է դանդաղել և կազմել է 3.9% տարեկան, օգնելով վառելիքի և քսանյութերի գների մի փոքր նվազմանը: Մինչև 2018 թ. վերջը և 2019 թվականի սկիզբը սննդամթերքի և վառելիքի շուկաներում գների կայունացումը կարող է զսպել ազդեցությունը գնաճային գործընթացների վրա: ՀՀ կենտրոնական բանկը 2018-2021 թթ.  չի ակնկալում 4%-ից ավելի էական գնաճ Այս պայմաններում ԿԲ ղեկավարությունը վերաֆինանսավորման տոկոսադրույքը թողեց 6% մակարդակում, հիմք ընդունելով կառավարման խորհրդի սեպտեմբերի 25-ի նիստի արդյունքներ:

ԵԱԶԲ վերլուծաբանները հիշեցնում են, որ Հայաստանը բարելավել է իր դիրքերը Համաշխարհային բանկի կողմից հրապարակված Doing Business 2019 վարկանիշում: Հայաստանն զբաղեցրել է 41-րդ տեղը, վեց կետով բարելավելով իր դիրքերը: Բարելավումներն առաջին հերթին արձանագրվել են`էլեկտրական ցանցերին միանալու հեշտացման, մինորիտար ներդրողների պաշտպանության, հարկման և պայմանագրերի կատարման առումներով:

Ծառայություններ

Վերջին դիտումները