Հայաստանում Ֆրանսիայի դեսպան Ջոնաթան Լաքոթը Փարիզում ֆրանսիական ընկերություններին կոչ է արել ներդրումներ կատարել Հայաստանի տնտեսությունում:

Նա Facebook-ի իր էջում տեղեկացրել է այս օրերին Փարիզում դիվանագետներ-գործարարներ ձևաչափով հանդիպմանն իր մասնակցության մասին:

«Հանդիպում ունեցա 10 ընկերությունների ներկայացուցիչների հետ, և հուսով եմ, որ համոզեցի նրանց ներդրումներ կատարել հայկական շուկայում՝ ուժեղացնելով մեր տնտեսական ներկայությունը Հայաստանում»,- գրել է Լաքոթը:

Նշենք, որ ՀՀ Վիճակագրական կոմիտեի տվյալներով ՝ Հայաստանի և Ֆրանսիայի միջև արտաքին առևտրաշրջանառության ծավալը 2018 թվականին կազմել է 118.8 մլն դոլար ՝ 51.7 % տարեկան աճով: Ընդ որում, արտահանումը կազմել է 8.6 մլն դոլար ՝ 82% տարեկան աճով, ներմուծումը ՝ 10.2 մլն դոլար ՝ 49.8% աճով ։ Հայաստանի տնտեսության մեջ ֆրանսիական ներդրումների ծավալը 2018 թվականին կազմել է 19.7 մլն դոլար, որից ՝ $5.02 մլն-ն ՕՈւՆ-ն է: