+374 94 000 446

ՀՀ կառավարությունն առաջարկում է ամբողջությամբ հրաժարվել «արտաբյուջետային միջոցներ» հասկացությունից

Դիտվել է` 403

04.09.2019
post single img

Հայաստանի կառավարությունն առաջարկում է ամբողջությամբ հրաժարվել «արտաբյուջետային միջոցներ» հասկացությունից։

Այս մասին սեպտեմբերի 3-ին ԱԺ ֆինանսավարկային և բյուջետային հարցերի մշտական հանձնաժողովի նիստում հայտարարել է ՀՀ ֆինանսների նախարար Ատոմ Ջանջուղազյանը ՝ ներկայացնելով «Մաքսային ծառայության մասին» օրենքում և կից օրենսդրական ակտերում փոփոխությունների փաթեթը։

Նրա խոսքով, առաջարկվում է  սահմանափակել պետական և տեղական ինքնակառավարման մարմինների՝ արտաբյուջետային հաշիվներ ունենալու հնարավորությունը: Միաժամանակ սահմանվում է, որ այդ հաշվիներում առկա և հավաքագրվող դրամական միջոցները կուղղվեն համապատասխան բյուջեներ՝ ապահովելով դրանց հետագա բաշխումն անհրաժեշտ ուղղություններով:

Ըստ ՀՀ ֆինանսների նախարար Ատոմ Ջանջուղազյանի՝ նախագծերի ընդունմամբ կապահովվի հանրային միջոցների այնպիսի բաշխման համակարգի ստեղծումը, որը կերաշխավորի մի կողմից տնտեսության զարգացման եւ մյուս կողմից՝ պետության անվտանգության ու հասարակության սոցիալական կարիքների հավասարակշռված իրականացման նախադրյալների ապահովումը:

 

 

Ծառայություններ

Վերջին դիտումները