+374 94 000 446

Հայկական գինիները ներկայացվեցին Բալթյան երեք երկրների գինու մասնագիտական հանրությանը

Դիտվել է` 689

14.06.2018
post single img

Հայաստանի խաղողագործության և գինեգործության հիմնադրամի աջակցությամբ հայկական 10 գինեգործական ընկերություններ հունիսի 4-9-ը մասնակցել են «Baltic Wine Trip and CBI See Wine Conference» գինեգործական միջոցառմանը: Այն մեկնարկել է Էստոնիայի մայրաքաղաք Տալլինում  և շարունակվել Բալթյան երեք երկրներում՝ Լատվիայում, Լիտվայում  և Էստոնյայում:

Միջոցառումը նախաձեռնել էր Նիդերլանդների արտաքին գործերի նախարարության՝ Զարգացող երկրներից արտահանման խթանման կենտրոնը (CBI ) շահառու 4 երկրների՝ Հայաստանի, Վրաստանի, Մոլդովայի և Մակեդոնիայի հետ համագործակցության շրջանակում: «Baltic Wine Trip and CBI See Wine Conference»-ն ուղղված է վերոհիշյալ  երկրների գինիների միջազգային ճանաչելիության բարձրացմանն ու արտահանման աշխարհագրության ընդլայնմանը։

Միջոցառման շրջանակներում հունիսի 4-9-ը Տալլինում, Վիլնյուսում և Ռիգայում  կազմակերպվել են հայկական գինիների շնորհանդես-համտեսներ և վարպետության դասեր՝ հրավիրված բարձրաստիճան հյուրերի,  գինու փորձագետների,  գնորդների  և դիստրիբյուտորների համար: Հայկական խաղողի տեղածին սորտերից պատրաստված գինիները իրենց որակական հատկանիշներով  և յուրօրինակությամբ մեծ հետաքրքրություն  են առաջացրել այցելուների շրջանում։

 

Նյութի աղբյուրը՝ ArmInfo.am

Ծառայություններ

Վերջին դիտումները