Հայաստանում 2018 թվականի հունվար-մայիսին տնտեսական ակտիվությունը տարեկան կտրվածքով աճել է 8.6%: 2017 թվականի մայիսին տնտեսական ակտիվությունն աճել է 5.4%, իսկ միայն`10.4%:

Ըստ ՀՀ Ազգային վիճակագրական ծառայության վերջնական տվյալների, տնտեսական ակտիվության աճին 2018 թվականի հունվար-մայիսին հիմնականում հանգեցրել են` սպասարկման ոլորտը`17,5% տարեկան, շինարարությունը`17.4%, առևտրի ոլորտը`10,2%, արդյունաբերությունը`3.3%, գյուղատնտեսության ոլորտը`1.5%, իսկ էներգետիկ համալիրոի, աճը կազմել է զրո: Սպառողական գների ինդեքսը հունվար-մայիսին տարեկան կտրվածքով աճել է 3,5%, 2018 թվականի մայիսին, 2017-ի մայիսի համեմատ`2.1%, իսկ միայն նվազել է 1.2%:

Իսկ ամսական կտրվածքով (մայիսին) տնտեսական ակտիվությանը լուրջ խթան է հանդիսացել շինարարական ոլորտը`42.4%աճով (2017-ի մայիսի 50% աճի համեմատ), ինչպես նաև`գյուղատնտեսության ոլորտը - 41.9% (47.1%), արդյունաբերությունը - 13,3% (12.7%), առևտրի ոլորտը - 12.1% (6,6%) և ծառայությունների ոլորտը - 6.5% (9.5% աճ): Էներգետիկ համալիրում աճը կազմել է 2.3%:

Տարեկան կտրվածքով աճի տեմպերով առաջատարներն են`ծառայությունների ոլորտը -  17%, շինարարությունը և առևտւորը - 8,8%, էներգետիկ համալիրը`1.8% և գյուղատնտեսության ոլորտը - 0.1%: Արդյունաբերական հատվածում 2018 թվականի մայիսին տարեկան կտրվածքով գրանցվել է 3.1% անկում:

Վիճակագրական տվյալների համաձայն, 2018 թվականի հունվար-մայիսին բացարձակ արժեքով առաջատարներն են`առևտրի ոլորտը - 1.02 տրիլիոն  դրամ (2.1 մլրդ դոլար), արդյունաբերական հատվածը - 658,2 մլրդ դրամ ($ 1.4 մլրդ), ծառայությունները - 626,7 մլրդ դրամ ($ 1.3 մլրդ), գյուղատնտեսությունը - 180,3 մլրդ դրամ ($ 374,1 մլն), շինարարության ոլորտը - 93,7 մլրդ դրամ (194,4 մլն դոլար): 2018 թվականի հունվար-մայիս ամիսներին արտադրված էլեկտրաէներգիայի ծավալը կազմել է 3237,7 մլն կՎտժ, իսկ միայն մայիսին` 570,7 մլն կՎտժ:

Միևնույն ժամանակ, Հայաստանի արտաքին առևտրի շրջանառությունը 2018 թվականի հունվար-մայիսին կազմել է 1351.4 մլրդ դրամ (2804.1 մլն դոլար), տարեկան 32.4% աճով: Դրա կառուցվածքում արտահանման ծավալների տարեկան աճը կազմել է 24.1%, մինչև

450.8 մլրդ դրամ (935.6 մլն դոլար), իսկ ներմուծման աճը`37%, մինչև 900,6 մլրդ դրամ (1,688,5 մլն դոլար): Միայն մայիսին արտաքին առևտրի շրջանառությունն աճել է 6.2%, այդ թվում, ներմուծման անկումը կազմել է 11,8%, իսկ արտահանման անկումը`5%, 2017-ի մայիսի համեմատ արտաքին առևտրի շրջանառության աճը կազմել է 27,9%, այդ թվում, ներմուծումն աճել է 32.8%, իսկ արտահանումը`17.6%:

ՀՀ դրամի միջին հաշվարկային փոխարժեքը 2018 թվականի մայիսին կազմել է 484.09 դրամ/դոլար, իսկ հունվար-մայիսին`481.92 դրամ / դոլար: