ՀՀ ազգային վիճակագրական ծառայության հրապարակած տվյալների համաձայն՝ 2018 թվականի առաջին եռամսյակում  Հայաստանում արտադրվել է 2 589.6 հազար լիտր բնական հյութեր:

Նախորդ տարվա համանման ցուցանիշի համեմատ արտադրության ծավալներն աճել են 3.5%-ով:

Ինչպես Panorama.am-ը տեղեկանում է ԱՎԾ-ից, այս տարվա հունվար-մարտին  հանրապետությունում արտադրվել է 2 485.9 հազար լիտր մրգահյութ՝ նախորդ տարվա համեմատ աճելով 4.2%-ով, իսկ տոմատի հյութերի արտադրության ծավալը 2017 թ-ի հունվար-մարտի համեմատ նվազել է 10.6%-ով՝ կազմելով 103.7 հազար լիտր:

Ինչ վերաբերում է ոչ ալկոհոլային ըմպելիքների արտադրությանը, ապա  2018 թ-ի առաջին եռամսյակում արտադրությունը  նախորդ տարվա համեմատ աճել է 69.2%-ով` կազմելով  25 564.5 հազար լիտր:

Նյութի աղբյուրը՝ Panorama.am