Հայաստանը Վրաստան արտահանող երկրների հնգյակում է։ Այսպես, ըստ ՙԳրուզիա-օնլայնի՚, 2019 թվականի հունվար-հուլիս ամիսներին Վրաստանից ԱՊՀ երկրներ է արտահանվել  1 105,8 մլն ԱՄՆ դոլարի ապրանք, ինչը նախորդ տարվա նույն ժամանակահատվածի համեմատ  26,6%-ով ավելի է, իսկ կազմում է երկրի արտահանման ընդհանուր ծավալի 52.6 տոկոսը։ Ըստ տվյալների

յոթ ամսվա ընթացքում ԵՄ երկրներ է արտահանվել 503,5 մլն դոլարի ապրանք, ինչը 20,6 տոկոսով ավելի է, քան նախորդ տարվա նույն ժամանակահատվածում, եւ կազմում է երկրի արտահանման ընդհանուր ծավալի 24,0 տոկոս:

Հունվար-հուլիսին արտահանման ամենամեծ ծավալն իրականացվել է Ռուսաստան ՝ 303 մլն դոլարի չափով։  Դա 26 տոկոսով ավելի է, քան նախորդ տարվա նույն ժամանակահատվածում։  Արտահանող երկրների հնգյակում են Ադրբեջանը, Հայաստանը, Բուլղարիան եւ Ուկրաինան:

Ինչ վերաբերում է ներմուծմանը, ապա ԱՊՀ երկրներից ներկրվել է 1 303,1 մլն ԱՄՆ դոլարի արտադրանք (14,3 տոկոսով պակաս), ինչը կազմում է ներմուծման ընդհանուր ծավալի 26,3 տոկոսը:  ԵՄ երկրներից ներմուծման ծավալը կազմել է 1 280,2 մլն դոլար (12,6 տոկոսով պակաս) եւ կազմել է ընդհանուր ներմուծման 25,8 տոկոսը:  Արտադրանքի առավել մեծ ծավալներ են ներմուծվել Թուրքիայից, Չինաստանից, Ռուսաստանից, Ադրբեջանից և Գերմանիայից։

Նյութի աղբյուր՝ Arminfo