+374 94 000 446

Հայաստանի քաղաքացիները կարող են օտարերկրյա պետությունների իրենց կենսաթոշակային խնայողությունները փոխանցել տեղական հաշիվներին

Դիտվել է` 873

07.07.2018
post single img

Կուտակային կենսաթոշակային համակարգի մասնակից Հայաստանի քաղաքացիները կարող են օտարերկրյա պետությունների իրենց խնայողությունները փոխանցել տեղական հաշիվներին:

Աշխատանքի և սոցիալական հարցերի նախարար Մանե Թանդիլյանը հրաման է ստորագրել, որով հաստատել է օտարերկրյա պետությունում աշխատող Հայաստանի Հանրապետության քաղաքացիների` Հայաստան վերադառնալու և (կամ) բնակություն հաստատելու դեպքում այդ պետությունում նրանց անդամակցած կուտակային կենսաթոշակային համակարգից այդ անձանց՝ Հայաստանի Հանրապետությունում բացված կուտակային կենսաթոշակային հաշիվներին գումարները փոխանցելու կարգը և օրենսդրությամբ սահմանված կարգով աշխատանքային գործունեությամբ զբաղվելու կարողության երրորդ աստիճանի սահմանափակում ունեցող հաշմանդամ ճանաչվելու վերաբերյալ տեղեկատվությունը մասնակիցների ռեեստրը վարողին տրամադրելու կարգը և այդ տեղեկատվության կազմը: Որոշումն ընդունվել է հունիսի 13-ին, ուժի մեջ է մտնելու հուլիսի 12-ին:

Ինչպես պարզաբանվել է նախարարության մամուլի ծառայությունից, կուտակային կենսաթոշակային համակարգի շահառուն կարող է իր խնայողությունները օտարերկրյա կենսաթոշակային կուտակային համակարգի հաշիվներից փոխանցել տեղական հաշիվներին, եթե դա թույլ է տալիս տվյալ պետության օրենսդրությունը:

Ծառայություններ

Վերջին դիտումները