Հայաստանի պետական ​​պարտքն սկսել է նվազել, 2018 թվականի մայիսին`2.1%, մինչև $ 6,7 մլրդ (3.2 տրիլիոն դրամ), ինչը պայմանավորված էր ներքին պարտքի 5,5% և արտաքին 0,7% նվազումով: Ըստ ՀՀ ֆինանսների նախարարության նախնական տվյալների, որոնք տրամադրվել են ՀՀ ազգային վիճակագրական ծառայությունից, 2018-ի հունվար-մայիսին պետական ​​պարտքը նվազել է ընդամենը 0.3%, մասնավորապես, ներքին պարտքի 1.6% և արտաքին պարտքի 0.02% նվազման հաշվին: Տարեկան կտրվածքով պետական ​​պարտքն ավելացել է 9.8%, այդ թվում, արտաքին պարտքը`12.2%, իսկ ներքին պարտքը` 4.9%:

Նշենք, որ Համաշխարհային բանկի հունիսյան նորացված զեկույցում Հայաստանի 2018 թվականի տնտեսական աճի կանխատեսումը նախորդ 3.8% փոխարեն նշվում է 4.1%, իսկ 2019-ի համար`4%: Հայաստանի ՀՆԱ-ի կառուցվածքում Հայաստանի պետական պարտքի մասնաբաժինը, ըստ Համաշխարհային բանկի կանխատեսումների, 2018-ին կկազմի 58,6%, իսկ 2019-ին `58,3%:

Նշենք, որ 2017 թ. պետական պարտքն աճել էր 15.3%, մինչև $ 6,8 մլրդ (3.3 տրլն դրամ), այդ թվում`արտաքին պարտքի աճը կազմել է 14,6%, մինչև $ 5.5 մլրդ (2,7 մլրդ դրամ), իսկ  ներքին պարտքի աճը`18.2 %, մինչև $ 1.3 մլրդ (619.5 մլրդ դրամ): Համեմատությանհմաար նշենք, որ 2016-ին արտաքին պարտքի աճը կազմել էր 11.6%, իսկ ներքին պարտքի աճը` 49%: Հայաստանում աճող պետական պարտքը և շարունակվող միգրացիան բնակչության մեկ շնչին ընկնող պարտքի բեռը 2018-ի հունվարի 1-ի դրությամբ արդեն հասցրել են $ 2.3 հազարի: Հաշվի առնելով միգրացիայի իրական չափերը, բնակչության մեկ շնչին ընկնող պարտքի բեռը կարող է լինել ավելի բարձր (վիճակագրական տվյալներով, 2018-ի հունվարի 1-ին ՀՀ բնակչության թիվը կազմել է 2,973 մլն, 2016-ի 2.986 մլն-ի և 5 տարի առաջվա 3,274 միլիոնի համեմատ): Նշենք, որ 2017-ին արտարժութային պահուստների միջոցով արտաքին պարտքի ծածկույթը նվազել է`45.9% -ից մինչև 39,6%: Պետական պարտքի մասնաբաժինը Հայաստանի ՀՆԱ-ում 2016-ի վերջին կազմել էր 56.6%: