Գյուղնախարարությունն առաջարկում է օգտվել «Հայաստանի Հանրապետությունում ժամանակակից տեխնոլոգիաներով մշակվող ինտենսիվ պտղատու այգիների հիմնման համար վարկային տոկոսադրույքների սուբսիդավորում» ծրագրից, որը ենթադրում է արտադրանքի մրցունակ ինքնարժեք, շատ ու որակյալ բերք` փոքր հողատարածքից:

Ինչպես հաղորդեցին ՀՀ գյուղատնտեսության նախարարության տեղեկատվության և հասարակայնության հետ կապերի բաժնից, ինտենսիվ պտղատու այգիներ հիմնել ցանկացողներին պետությունը կաջակցի, մասնավորապես, առաջարկվում է  օժանդակության երկու տարբերակ։

Առաջին տարբերակն առաջարկում է օգտվել այգիների հիմնման համար մատչելի տոկոսադրույքով վարկից, որը հասանելի կլինի տարեկան ընդամենը 2% տոկոսադրույքով, իսկ սահմանամերձ համայնքների տնտեսվարողներին և 3 հա այգի հիմնող կոոպերատիվներին` 0% տոկոսադրույքով։  Մարման ժամկետը` մինչև 8 տարի, արտոնյալ ժամանակահատվածը՝ 5 տարի: Վարկերը հատկացվում են 0.5-ից 10 հեկտար խաղողի ու  ինտենսիվ պտղատու և   0.5 – 3  հեկտար հատապտղատու այգիների համար։

Երկրորդ տարբերակը ենթադրում է, որ պետությունը կհատուցի հիմնված  այգու  ծախսերի 40%-ը, իսկ  սահմանամերձ համայնքների տնտեսվարողներին և 3 հա այգի հիմնող կոոպերատիվներին՝ 50%-ը։ Փոխհատուցում կտարադրվի   0.5-ից 10 հեկտար խաղողի,  0.5-ից 3 հեկտար ինտենսիվ պտղատու և   հատապտղատու այգիների համար։

Ինտենսիվ այգին ապահովում է միավոր տարածքից առավելագույն բերքի ստացում, որը հիմնականում արտահանվելու է՚, - ասվում է հաղորդագրությունում:

Նյութի աղբյուրը՝ Arminfo