Եվրոպական միությունը Հայաստանին կտրամադրի ավելի քան 700 մլն եվրո վարկ` ենթակառուցվածքային նախագծերի իրականացման համար: Այդ մասին ասվում է Եվրոպական հանձնաժողովի կայքում զետեղված զեկույցում:

Զեկույցում նշվում է, որ Հայաստանին հատկացվող վարկային ռեսուրսները կդառնան «Արևելյան գործընկերություն» ծրագրի մասնակից երկրներին` Հայաստանին, Ադրբեջանին, Վրաստանին, Ուկրաինային, Մոլդովային և Բելառուսին Եվրամիության ընդհանուր աջակցության մի մասը:  Ծրագրի ընդհանուր բյուջեն, որը կֆինանսավորվի Եվրամիության և Համաշխարհային բանկի համատեղ ջանքերով, կկազմի 13 մլրդ եվրո:

Նախագիծը ենթադրում է 4800 կմ ընդհանուր երկարությամբ ճանապարհների և երկաթգծերի կառուցում, ինչպես նաև նավահանգիստների, օդանավակայանների, լոգիստիկ կենտրոնների և անցակետերի զարգացում: Բրյուսելում գտնում են, որ «Արևելյան գործընկերության» երկրներում `Վրաստանում, Ադրբեջանում, Հայաստանում, Մոլդովայում և Ուկրաինայում ենթակառուցվածքների զարգացումը կնպաստի այդ երկրների տնտեսական աճին և նոր աշխատատեղերի ստեղծմանը: Որոշ նախագծեր  նախատեսվում է ավարտել արդեն 2020 թվականին, իսկ մյուսները` միայն 2030 թ: Նշենք, որ ավելի վաղ Երևանում արդեն նախանշվել են ֆինանսավորման ուղղություններ: Առաջնահերթ նախագծերի թվում, մասնավորապես, նշվել է Արտաշատ-Ագարակ ավտոճանապարհի վերակառուցումը, որը հանդիսանում է Հյուսիս-Հարավ տրանսպորտային միջանցքի շինարարության մաս:

Ինչպես ակնկալվում է, որ ԵՄ-ն 450 միլիոն եվրո կտրամադրի այդ նախագծի համար: Մինչև 2030 թվականը հիմնական խնդիրների թվում նշվում են Երևան-Վանաձոր ավտոմայրուղու արդիականացման ծրագիրը, որն արժե 7,5 մլն եվրո, Գյումրի-Բավրա ճանապարհի վերակառուցումը` 41 մլն եվրո, ինչպես նաեւ Մեղրիում նոր սահմանային անցակետի կառուցումը` 15 մլն եվրո:

Հիշեցնենք նաև, որ 2017 թվին «Արեւելյան գործընկերության» գագաթաժողովին  ծրագրում վեց անդամ պետություններ ներառվել են  Trans-European տրանսպորտային ցանցում, որի նպատակն է  Եվրամիության և նրա հարևանների տրանսպորտային համակարգի կատարելագործումը:

«Արևելյան գործընկերությունը» 2009 թվին Փարիզում մեկնարկած Եվրամիության ծրագիրն է, որի գաղափարը ներկայացրել է Լեհաստանի արտգործնախարար Ռադոսլավ Սիկորսկին: «Արևելյան գործընկերության» հիմնական խնդիրը նախկին ԽՍՀՄ վեց երկրների` Ադրբեջանի, Հայաստանի, Բելառուսի, Վրաստանի, Մոլդովայի եւ Ուկրաինայի հետ ԵՄ կապերի զարգացում է: Հայաստանը 2017 թվականին Բրյուսելում կայացած գագաթնաժողովում ստորագրել ԵՄ հետ համապարփակ և ընդլայնված գործընկերության շուրջ համաձայնագիրը: