Երևանում անցկացվել է ԵԱՏՄ անդամ պետությունների մաքսային ծառայությունների միավորված կոլեգիային կից ռիսկերի կառավարման համակարգի զարգացման աշխատանքային խմբի հերթական նիստը: 

Նիստին մասնակցել են Հայաստանի, Ռուսաստանի, Բելառուսի, Ղազախստանի և Ղրղզստանի պատվիրակությունները: Ողջունելով մասնակիցներին, Պետական եկամուտների կոմիտեի տեղեկատվական տեխնոլոգիաների վարչության պետ Աշոտ Մուրադյանն ընդգծել է, որ ՊԵԿ-ը կարևորում է ռիսկերի կառավարման համակարգի շարունակական զարգացումը, նորագույն լուծումների կիրառումը և համագործակցությունը, ինչպես նաև փորձի փոխանակումը գործընկեր պետությունների մաքսային մարմինների և միջազգային կազմակերպությունների հետ:

ՊԵԿ մամուլի ծառայության հաղորդման համաձայն, նիստի ընթացքում քննարկվել են մաքսային ռիսկերի կառավարման արդյունավետության բարձրացմանն ուղղված՝ ԵԱՏՄ անդամ պետությունների մաքսային ծառայությունների միավորված կոլեգիայի որոշումների նախագծերը, ռիսկերի կառավարման ընթացքում ժամանակակից տեղեկատավական տեխնոլոգիաների արդյունավետ կիրառման մեխանիզմները և այլ հարցեր:

Նյութի աղբյուրը՝ Armenpress