Տնտեսության ոլորտում ՀՀ կառավարությունը իրականացնում է արտահանման խթանմանն ուղղված քաղաքականություն: Սեպտեմբերի 3-ին կայացած մամուլի ասուլիսում այս մասին հայտարարել է Տնտեսական զարգացման և ներդրումների նախարար Արծվիկ Մինասյանը, ամփոփելով իր պաշտոնավարման 100 օրվա արդյունքները:

Ըստ նրա, արտահանման կառուցվածքի վերլուծությունը ցույց է տվել, որ 2018 թվականի առաջին կեսին Հայաստանում արտադրված արդյունաբերական արտադրանքի շուրջ 50 տոկոսն արտահանվում է: Ավելին, այդ տոկոսը ավելի բարձր կլիներ, եթե հանքարդյունաբերության ոլորտում անկում չլիներ, մոտ 11.8% կամ 20 մլրդ դրամ:

Նախարարը նաև ընդգծել է, որ Հայաստանում արտադրված խմիչքների շուրջ 60% -ն արտահանվում է, ծխախոտի`72%-ը, հագուստի`75% -ը, դեղագործական արտադրանքի 56% -ը: Ինչ վերաբերում է բարձր տեխնոլոգիաների արտադրանքի արտահանմանը, ապա դրանք դեռևս աննշան են և կազմում են 2.2%:

Ընդհանուր առմամբ, 2018 թվականի առաջին կիսամյակում ընդհանուր ապրանքաշրջանառությունը կազմել է 4,09 մլրդ դոլար, իսկ բալանսը կազմել է 1,363 մլրդ դոլար: Ըստ նրա, արտահանման գծի առաջին տեղում ՌԴ-ն է (մոտ 25%): Այնուհետև հաջորդում են`Շվեյցարիան (14%), Բուլղարիան (10,5%), Գերմանիան (6,8%), Իրաքը (5,3%)», - նշել է Արծվիկ Մինասյանը: Ներմուծման առումով Ռուսաստանը առաջին տեղում է`28.6%, որին հաջորդում են`Չինաստանը (7,3%), Վրաստանը (7,2%), Գերմանիան (5,5%), Իրանը (4,7%):

Տուրիզմի մասին խոսելով, Արծվիկ Մինասյանը շեշտել է, որ 2018 թվականի առաջին կեսին Հայաստան է այցելել 685.970 զբոսաշրջիկ, ինչը 10.7% -ով գերազանցում է նախորդ տարվա նույն ժամանակահատվածի ցուցանիշը: Զբոսաշրջային նպատակներով Հայաստանից մեկնել է 610,9 հազար մարդ, աճը`7%: «Հայաստանից ժամանողների և մեկնողների տարբերությունը կազմել է 75 հազար էր: Անցյալ տարի այդ թիվը 52 հազար էր», - ասել է Մինասյանը, հավելելով, որ զբոսաշրջիկների 27,1% -ը ԱՊՀ երկրներից են (14,7%), ԵՄ երկրների բաժինը ընկել է 24% (աճը`43.3%), իսկ 49.8%-ը` այլ երկրներից: Զբոսաշրջիկների 52.5% -ը ժամանել է Հայաստան հանգստի և ժամանցի նպատակով, 22.9% -ը գործարար առաքելությամբ, 1.5%`բուժման նպատակով», - ասել է նախարարը, հավելելով, որ ներքին զբոսաշրջության աճը կազմել է 17, 1%: