Հայաստանից Ռուսաստան արտահանվող ապրանքների համար այսուհետև  անհրաժեշտություն է առաջացել իրականացնել մակնշում, ինչը թույլ կտա տնտեսվարողներին արտահանման գործընթացում խուսափել անտեղի խոչընդոտներից :

Ինչպես հայտնի է, վերջին շրջանում  Ռուսաստանում ակտիվորեն ընթանում է ՌԴ-ի նկատմամբ սանկցիաներ կիրառող երկրներից ներկրված ապրանքների ոչնչացում, որի ակամա զոհը դարձան նաև հայկական մի շարք ընկերություններ: Ինչպես տեղեկանում ենք մամուլում տարածված հրապարակումներից,  Հայաստանից Ռուսաստան ներկրելու ճանապարհին ոչնչացվել է մոտ 200 կգ թառափ, որը պատկանում էր «Արարատ իշխան» ՍՊԸ-ին: Տեղի ունեցածը պատճառաբանվել է նրանով, որ ներկրող կազմակերպությունը չի ունեցել ՌԴ տարածք ներմուծման համար անհրաժեշտ փաստաթղթեր` հասկանալու համար ապրանքի ծագման վայրը և դրա` թույլատրելի լինելու հանգամանքը: Այս միջադեպից հետո ՀՀ սննդամթերքի անվտանգության ծառայությունը տարածեց հայտարարություն, որտեղ կոչ էր արվում դեպի ՌԴ պտուղ-բանջարեղեն արտահանող ընկերություններին ապրանքի տարաների վրա փակցնել մակնիշներ, որտեղ նշված կլինի ապրանքի անվանումը, ծագման եորկիրը և տվյալներ արտահանող կազմակերպության մասին:

Ինչպես նշվում է հաղորդագրությունում, արտահանվող ապրանքների մակնիշավորումը թույլ կտա կանխել այլ երկրների ապրանքների արտահանումը Ռուսաստան հայակական ապրանքի անվան տակ: