+374 94 000 446

Անհրաժեշտ է փոխել պետության տնտեսական մոդելը

Դիտվել է` 1426

18.08.2018
post single img

Հայաստանում անհրաժեշտ է փոխել պետության տնտեսական մոդելը: Այս մասին օգոստոսի 17-ին նոր կառավարության գործունեության 100 օրվա ամփոփմանը նվիրված հանրահավաքի ժամանակ հայտարարել է ՀՀ վարչապետ Նիկոլ Փաշինյանը:

Նրա խոսքով, տնտեսության ներկայիս կոռումպացված տնտեսական մոդելը պետք է իր տեղը զիջի ներառող տնտեսական համակարգին: Ըստ որում, բոլորը շուկայում հավասար իրավունքներ կունենան: «Այսօր Հայաստանում արդեն չկան բանանի, շաքարավազի մոնոպոլիաներ, և երկրի բոլոր քաղաքացիները, ովքեր զբաղվում են բիզնեսով, պետության կողմից աջակցություն կստանան»,- նշել է վարչապետը:

Նա ավելացրել է, որ սովորաբար հեղափոխություններից հետո պետություններում տնտեսական անկում է դիտվում, սակայն Հայաստանում, պաշտոնական տվյալների համաձայն, աճ է արձանագրվել: Միայն ընթացիկ տարվա հունիսին երկրի ՀՆԱ աճը կազմել է 9,6%, իսկ տարեսկզբից՝ 8,9%, և բոլոր հիմքերը կան պնդելու, որ աճը կշարունակվի մինչև տարեվերջ:

Նոր քաղաքականության արդյունք է հանդիսացել ժամանողների և մեկնողների միջև դրական սալդոն, որը մայիսի 10-ից մինչև օգոստոսի 14-ը կազմել է 29886 մարդ: Իսկ դա, Փաշինյանի խոսքով, միգրացիոն ճգնաժամի հաղթահարման առաջին նշաններից է: Օտարերկրյա մեր շատ հայրենակիցներ սկսել են անշարժ գույք ձեռք բերել պատմական հայրենիքում, ինչի արդյուքնում վերջինիս գները աճել են 20%-ով: Միայն վերջին երեք ամսում երկրի առևտրային բանկերի վարկային պորտֆելն աճել է 99 մլրդ դրամով: 

Ակտիվ աշխատանքի արդյունքում հաջողվել է 28,8 մլրդ դրամով ավելացնել պետբյուջեի եկամտային մասը, ինչպես նաև 26 մլրդ դրամով կրճատել գերվճարումների ծավալները:

Փաշինյանն ընդգծել է, որ մոտ ապագայում  կկրճատվի նախարարությունների և գերատեսչությունների թիվը, գործադիր մարմնի աշխատանքն ավելի արդյունավետ ու թափանցիկ կդառնա:

 

Նյութի աղբյուրը՝ Arminfo

Ծառայություններ

Վերջին դիտումները