+374 94 000 446

2018թ. հունվար-ապրիլին Հայաստանում արտահանումն աճել է 25.5%-ով

Դիտվել է` 1563

24.05.2018
post single img

2018թ. առաջին չորս ամսում Հայաստանի և գործընկեր-երկրների միջև առևտրային գործառնությունների ընդհանուր ծավալը կազմել է 2.222 մլրդ ԱՄՆ դոլար: 2017թ. նույն ժամանակահատվածի համեմատ ցուցանիշն աճել է 31.2%-ով: Այս մասին «Բիզնես 24»-ին տեղեկացնում են Ազգային վիճակագրական ծառայությունից:

Ըստ ներկայացված տվյալների՝ հաշվետու ամիսներին գործընկեր-երկրների հետ առևտրային հարաբերություններում ներմուծումը գերազանցել է արտահանումը 0.6928 մլրդ ԱՄՆ դոլարով:

Այսպես, 2018թ. հունվար-ապրիլ ամիսներին Հայաստանն արտահանել է 0.7645 մլրդ ԱՄՆ դոլարի արտադրանք և այլ երկրներից ներմուծել 1.4573 մլրդ ԱՄՆ դոլարի արտադրանք:

Հարկ է նշել, որ հաշվետու ամիսներին, նախորդ տարվա նույն ժամանակահատվածի համեմատ, աճել է ինչպես արտահանումն, այնպես էլ ներմուծումը: Արտահանման ոլորտում տարեկան աճը կազմել է մոտ 25.5%, իսկ ներմուծման ոլորտում՝ 34.3%:

Նշենք նաև, որ 2017 թվականին մեր երկիրն արտաքին աշխարհի հետ իրականացրել է 6.4256 մլրդ դոլարի առևտուր: 2016 թվականի համեմատ ցուցանիշն աճել է 26.9%-ով:

 

Նյութի աղբյուրը՝ B24.am

Ծառայություններ

Վերջին դիտումները