2018 թվականի ավարտին Հայաստանում ակնկալվում է կանխատեսվող մակարդակից ցածր ինֆլյացիա
Դիտվել է` 2694
20.12.2018
Ըստ 2018 թվի արդյունքների, Հայաստանում ակնկալվում է կանխատեսվող մակարդակից ցածր ինֆլյացիա: Դեկտեմբերի 18-ին մամուլի ասուլիսում այդպիիս կանխատեսում է արել Հայաստանի Կենտրոնական բանկի խորհրդի անդամ Արթուր Ստեփանյանը: Նա նշել է, որ նոյեմբերին տարեկան գնաճը կազմել է 1.8%, իսկ 2018 թվականի ավարտին այդ ցուցանիշն ակնկալվում է 1.5-1.8% սահմաններում:
«Ցածր ինֆլյացիոն մակարդակը, որը պահպանվել է մի քանի տարիների ընթացքում եւ վերջին ամիսներին, թույլ է տալիս վարել ընդլայնված դրամավարկային քաղաքականություն, ինչն արտացոլվում է նաև տոկոսադրույքների նվազման և վարկավորման ծավալների ավելացման միտումներում», - ասել է նա:
Ամփոփելով ասվածը` Կենտրոնական բանկի ներկայացուցիչը նշել է, որ վերջին տարիներին ձևավորված ցածր ինֆլյացիոն միջավայրը շատ կարևոր է տնտեսության համար: «Առաջին հերթին, այն կարևոր է բնակչության գնողունակության ապահովման տեսանկյունից, քանի որ մեր երկիրը դեռևս չի կարողանում ապահովել տնտեսական աճի ներառական մոդել: Երկրորդ, դա կարևոր է ֆինանսական շուկայի բոլոր հատվածներում ցածր տոկոսադրույքների ձեւավորման տեսանկյունից, ինչը թույլ է պահպանել լայն դրամավարկային քաղաքականություն», - բացատրել է նա:
Ստեփանյանի խոսքերով, երկրում տեղի ունեցած վերջին քաղաքական իրադարձությունները, որոշ չափով, կարգավորիչին ապարտավորեցրել են լինել ավելի զգուշավոր և պահպանողական իր իր կանխատեսումների և գործունեության մեջ` 2018-2019 թվականներին առաջադրված նպատակներն իրագորիծելու համար: Այս իմաստով Կենտրոնական բանկի խորհրդի անդամը նշել է Կենտրոնական բանկի գործունեության եւ կանխատեսումների վրա ազդող գործոնները: Նախ, նա ուշադրություն է հրավիրել շուկայի մրցակցության աճի միտումների վրա, ներառյալ, շուկայում գերիշխող դիրք զբաղեցնող ձեռնարկությունները: Խոսելով վերջին միտումների մասին` Ա. Ստեփանյանը նշել է, որ իրենց գնային քաղաքականության մեջ առավել պահպանողական մոտեցում են ցուցաբերում:
Միևնույն ժամանակ, նա ընդգծել է, որ միջազգային շուկայում գների բարձրացումը ազդում է ներքին շուկայի գների վրա երկարիաժամկետ հեռանկարում, և ոչ թե անմիջապես, ինչպես` նախկինում: Այս համատեքստում նա, մասնավորապես, վկայակոչել է վառելիքի շուկան: «Երկրորդ, նոր կառավարությունը ուշադրությունը սևեռում է պետական ծախսերի արդյունավետությանը, հատկապես` պետական գնումների եւ կապիտալ շինարարության առումով` փորձելով նվազեցնել եւ վերացնել կոռուպցիոն ռիսկերը, որոնք նախկինում է կային», - ասել է նա: Նշելով դա որպես դրական գործոն` Ա.Ստեփանյանը նշել է, որ մյուս կողմից, դա նվազեցնում է տնտեսության մեջ պետական միջոցների ներգրավվածության տեմպերը: Այս առնչությամբ նա հավելել է. «Ընթացիկ տարվա արդյունքներով, երբ Ֆինանսների նախարարությունը ամփոփում է բյուջեի ցուցանիշները, մենք կտեսնենք, որ պետական ծախսերի մասով կարձանագրվի խնայողությունների զգալի ծավալ, և ՀՆԱ նկատմամբ բյուջեի դեֆիցիտի մակարդակը, ըստ նախնական գնահատումների, կկազմի մոտ 1.3%` տարիների ընթացքում դիտվող 2%-ի դիմաց:
Որպես հաջորդ կարևոր գործոն` Ա. Ստեփանյանը նշել է գյուղատնետսության ցուցանիշները, որոնք նույնպես ազդել են կարգավորողի կանխատեսումների եւ գործունեության վրա: Մասնավորապես, վկայակոչելով Վիճակագրական կոմիտեի տվյալները, նա նշել է, որ այս տարվա երկրորդ կեսից գյուղատնտեսության ոլորտում անկում է արձանագրվել, մասնավորապես, նոյեմբերի վերջին` 20%: «Գյուղատնտեսական արտադրանքի առաջարկի կտրուկ անկումը պետք է ազդեր գնային ֆոնի վրա: Այնուամենայնիվ, ինչպես տեսնում ենք, գյուղատնտեսական ապրանքների գներային դիապազոնը, մասնավորապես, շուկայում առյուծի բաժինը զբաղեցնող մասը, մնացել է նույն մակարդակին, ինչ նախորդ տարի էր: Սա վկայում է վիճակագրական հաշվարկների թերացումների մասին», - կարծում է նա:
Վերջին դիտումները
-
15.04.2021
Էկոնոմիկայի նախարարի թիրախը 2019-ի նկատմամբ 2-3 տոկոս տնտեսական աճն է -
08.04.2021
Վլադիմիր Պուտինը վստահ է, որ ՌԴ և ՀՀ-ն մոտ ժամանակներս կվերականգնեն ապրանքաշրջանառության ծավալները -
06.04.2021
Հայաստանից ԵԱՏՄ երկրներ, ԱՄՆ և Չինաստան արտահանումն աճել է -
01.04.2021
ՊԵԿ-ը պարզաբանում է ներկայացրել հանրային սննդի ոլորտում ստուգումների վերաբերյալ -
30.03.2021
Ձկնորսության գործընթացը կկազմակերպվի պետական կառույցի կողմից -
23.03.2021
Հայաստանից ԵԱՏՄ երկրներ արտահանումը տարեսկզբին աճել է 19.3 տոկոսով -
18.03.2021
Հայաստանի և Սինգապուրի միջև եկամուտների կրկնակի հարկումը կբացառվի -
17.03.2021
ԿԲ-ն շարունակում է տնտեսության վրա գնաճային ազդեցություն ակնկալել արտաքին հատվածից, իսկ ներքին տնտեսությունից՝ ոչ -
15.03.2021
ԵԱՏՄ-ն ԵՄ-ից արդյունավետ է հաղթահարել համավարակի մարտահրավերները -
10.03.2021
ԵԱՏՄ-ն հրաժարվել է 76 երկրների համար սակագնային արտոնություններից, այդ թվում՝ Թուրքիայի համար -
05.03.2021
Աշխարհում պարենի գներն աճում են իններորդ ամիսն անընդմեջ -
22.02.2021
ԱՄՆ առևտրի պալատը շահագրգռված է հայ-ամերիկյան գործարար շփումների ակտիվացմամբ -
16.02.2021
Իրացման շրջանառությունն աճել է շուրջ 12%-ով -
15.02.2021
Ֆրանսիայից ստացած մարդասիրական օգնության ծավալն ավելացել է ավելի քան 94 տոկոսով, Չեխիայից` 2 անգամ -
08.02.2021
ՀՀ պետական պարտքը մեկ տարում աճել է 8.84%-ով